السلام عليكم ...
حبيت اكتبلكم عن تجربتي بسكراب YLLO تقشير الكركم
شفته على الانستغرام وجاني الفضول اني اجربه ،
بإنستغرامهم كاتبين أن ١٠ ٪ من الارباح تروح لجمعيات خيريه لزياده الوعي لزواج الأطفال
حبيت هالشي ..
مكونات المنتج كلها طبيعيه
طريقه الاستخدام
بشره نظيفه ما فيها مكياج
تخلطين ملعقه من سكراب الكركم بملعقه ماء أو ماء الورد ويمكن استخدام الحليب أو اللبن
تفركين وجهك بحركه دائريه وتخلينه ١٥ دقيقه
وبعده تغسلين وجهج بماء دافئ ،يمكن تستخدمينه مرتين لثلاث مرات في الأسبوع
مكوناته
كركم ، زيت جوز الهند ، طحين الحمص ، سكر (قصب السكر) ، ملح البحر ، فيتامين إي ، مستخلص الليمون
فوائده
يوحد لون البشره
يخفف الاحمرار في الوجه
يحارب الشيخوخه وظهور التجاعيد
يمنع ظهور شعر الوجه
مع الاستخدام المكرر يحارب حب الشباب
في موقعهم كاتبين انه من اول استخدم بتلاحظين انه بشرتج بتكون ناعمه ،بالفعل هي اول شي لاحظته من استخدامي للمنتج
ولاحظت خفف الاحمرار في وجهي
ملاحظه
لا تخلينه على وجهك اكثر من ١٥ دقيقه لانه الكركم يترك اللون الأصفر ،اذا صبغ استخدمي غسولك اليومي لتشيلين اللون الاصفر ويفضل تحطين الماسك بفرشاه لنفس السبب طبعا
مع الاسف ما عندهم توصيل لقطر شحنته عن طريق ارامكس عنواني الأمريكي
